O pasado Sábado levouse a cabo a II Andaina Solidaria organizada por Fagal. Este foi o acto central de campaña “Recorda quen son” que se realiza con motivo do Día mundial do Alzheimer.
O acto foi inaugurado polo Conselleiro de Política Social, José Manuel Rey Varela, o Conselleiro de Sanidade, Jesús Vázquez Amuiña e a Tenente Alcalde de Santiago, María Rozas.
O evento acudiron máis de 200 persoas que iniciaron a Andaina no Monte de Gozo, en Santiago de Compostela e percorreron 5,5 kilómetros ata o Parque de Bonaval, onde rematou o acto cun acto institucional no Espazo da memoria, emprazamento dos afectados pola doenza e as súas familias.
A xornada rematou disfrutando dun xantar na zona sur do Parque.
#RecordaQuenSon
